هل ممكن الفيروسات والاختراق تتسبب في انقطاع النت ..ساعدوني لو تفضلتم اديلي اسبوع الفيروسات مطلعة عيني

السلام عليكم ورحمة الله وبركاته

انا هحكي الحكاية من الاول باختصار : الجهاز بتاعي امكانياته متواضعة لذلك انا ما كنتش بسطب برنامج حماية بس من حوالي شهر كنت بافتح صورة من على موقع جوجل صور للاسف وبصيت لقيت المتصفح اتقفل و الجهاز راح فاتح ماي كمبيوتر وعمال يعمل سكان وقدام كل لوكال ديسك مكتوب عدد الفيروسات او التروجان اللي فيه

من جهلي وكسلي نفضت للموضوع واجلته لان انا لو حملت برنامج حماية الجهاز بيبقى كانه بيطلع في الروح

بعد كام يوم لقيت ان النت بيفصل كتير جدا (ملحوظة: انا مشترك في شبكة من سايبر ) مع ان ما حدش بيبقى بيعمل عليا كت لان انا عندي برنامج الانتي ارب وبعرف لو حد بيعمل كت

يعني مثلا افتح النت اقعد حوالي ساعة النت شغال بعدين يفصل ومستحيل يشتغل تاني وخاصة بعد الساعة 12 بالليل النت بيفصل

روحت منزل برنامج البيت دفندر وعملت سكان وتقريبا مسحلي معظم البرامج وكل الباتشات و الكراكات كلها بس الجهاز اشتغل كويس لمة يومين

وبعدين انا عندي فلاشة دايما حاططها في الجهاز كنوع من زيادة لحجم الهارد وبحط عليها الملفات
بعد ما الجهاز كان نضف جيت اركبها يبدو انها كانت اتعدت من قبل ما اعمل سكان ولما ركبتها عدت الجهاز تاني

الجهاز رجعتله المشكلة واسوا فقمت بتنزيل برنامج النود لان احد اصدقائي قاللي انه خفيف وفعلا هو خفيف جدا والجهاز شغال زي الفل معاه وعملت سمارت سكان للجهاز كله ونضفته بس المشكلة ما زالت مستمرة

السؤال هو هل الفيروسات فعلا ممكن تفصل النت
طيب هل النود يفي بالغرض لتنظيف الجهاز بالكامل ويا ريت تدلوني على افضل برنامج لتظيف الجهاز نهائيا او ادوات لذلك ...جزاكم الله خير

ملحوظة: انا في كل مرة قبل ما اعمل سكان بنزل نسخة ويندوز جديدة








أكثر...