[ درس ] تصميم الموقع وتاثيره علي اداء الموقع في جوجل

اداء موقعك في محركات البحث (جوجل خصوصا) اصبح شيء مهم جدا لاي حد عايز ينجح علي الانترنت, تخيل ان عدد الناس اللي بتدور علي عروض شركات السياحة في مصر حوالي 20.000 شخص كل شهر!!!!
ببساطة كل الناس دلوقتي بتستخدم جوجل علشان توصل لاي حاجة عايزاها علي الانترنت (حتي اوخويا الصغير عمره 10 سنين بيستخدم جوجل)
طيب ندخل في سؤال الموضوع, هل ممكن تصميم الموقع ياثر علي اداءه في محركات البحث ؟
خلينا نشرح الاول باختصار جوجل بيشوف المواقع ازاي, جوجل بيبدء ببرنامج اسمه Robot او Spider, والبرنامج ده مهمته انه ياخد محتوي موقعك بالكامل ويبعته لبرنامج تاني اسمه ال Indexer, وال Indexer ده مهمته بسيطة و معقدة في نفس الوقت, المهمة ببساطة انه يقري محتوي موقعك بالكامل, والمهمة المعقدة انه يحلل المحتوي و يفهم موقعك بيتكلم علي ايه.

ليه مهمة تحليل المحتوي معقدة جدا ؟
لانه ببساطة اللي بيقوم بيها برنامج مبرمج مش انسان وليه عقل يقدر يحلل ويفهم بسهولة.

اساسيات برمجة ال Indexer في تحليل المحتوي:



طبعا اللي هنقوله هنا ده مجرد اساسيات, لانه مفيش شخص غير شركة جوجل نفسها (المبرمجين) هما اللي يعرفوا بالظبط طريقة برمجة السوفت وير, لكن عموما الاساسيات واحدة

1- جوجل بيشوف موقعك من اعلي لاسفل, ومن اليسار لليمين في الانجليزي و العكس صحيح في العربي.

2- جوجل عنده ليستة كلمات وحروف اسمها ال Stop Words ودي عبارة عن الكلمات اللي مش بتاثر في المعني بس بتكمل الجمل زي مثلا في الانجليزي "and" و "or" و "if", وفي العربي زي مثلا "و", "حيث", "ب", "في".
3-جوجل كل لما يشوف كلمة في موقعك من ال Stop Words بيعديها كانها مش موجودة.

4-يبدء جوجل يشوف ايه الكلام اللي اتكرر في المحتوي, ويحاول يفهم اذا كان التكرار لمجرد التكرار, ولا الكلام متكرر بشكل طبيعي
مثال للتكرار السيء: احنا شركة سياحة في مصر, وعندنا افضل عروض شركات السياحة في مصر, لو بتدور علي اي عرض سياحي في مصر, تاكد اننا الافضل في مجال السياحة.
طبعا في المثال ده التكرار باين جدا انه مش طبيعي, وده بيكون اسمه Spam, وجوجل لما بتلاقي تكرار زي ده, بتبدء تحس ان الموقع مش احترافي, وانه الهدف منه قد يكون مجرد زيادة الزوار, ومعندش اي قيمة في المحتوي.

5-لو التكرار طبيعي ومش سيء, جوجل بيبدء يحدد مكان الكلمات اللي اتكررت في الموقع ويحدد قيمتها من الكوود (التصميم بتاع الموقع نفسه), ازاي؟
1- يبدء يشوف لو الكلمات دي موجودة في العناوين الرئيسية ولا في وسط الكلام فقط, لو موجودة في العنواين الرئيسية, معناه ان الكلمات دي مهمة للموقع, ومعناه ان محتوي الموقع هيكون في سياق العنواين
2- يبدء يشوف الكلمات دي موجودة فوق في موقعك ولا في اخر الموقع تحت.
جوجل عنده مبدء مهم, ان اصحاب المواقع بيحطوا الحاجات المهمة فوق في الموقع علشان الناس تشوفها اول لما تدخل, و غالبا اخر الموقع بيكون شوية حاجات مش مهمة, زي مثلا غالبا بتلاقي في اخر الموقع قائمة فيها سياسة الخصوصية, الشروط والاحكام, وهكذا.

6- بعد لما يحدد الكلمات المهمة منها يحدد الموقع بيتكلم علي ايه, يبدء يحط الموقع بتاعك في مكان مرتب حسب المواضيع, بحيث ان اي يحد يبحث عن الموضوع اللي موقعك بيتكلم فيه, ويستخدم الكلمات المهمة اللي انت استخدمتها, جوجل يظهر موقعك في النتائج.

طيب بعد الشرح الطويل ده, ازاي تصميم الموقع ليه تاثير علي اداءه في جوجل ؟
1- التصميم الجيد لازم يستخدم الكلمات الهامة (دي بتيجي بعد عمل بحث مكثف عن الكلمات اللي بيستخدمها جمهورك المستهدف للبحث عن خدمتك او منتجك) في العناوين الرئيسية في الموقع.

2- التصميم الجيد لازم الموقع فيه يكون متقسم جزئين جزء اسمه Above the fold و جزي تاني اسمه Below the fold.
الكلام المهم المستهدف من الموقع لازم يكون مجود في الجزء الاول (في اول الموقع), كل لما يكون الكلام قريب من فوق, يكون ليه اهمية و قوي عن الكلام اللي موجود في اخر التصميم.

3- تقسيمة الموقع و اقسامه مهمة جدا في تحسين اداء الموقع في محركات البحث, جوجل بيحب يشوف المواقع المنظمة, واللي التنقل بين اقسامها و محتواها سهل بالنسبة ليه اولا و بالنسبة للمستخدم.

4- لو موقعك تصميمه غير احترافي (في الشكل) وكان اداءه كويس في جوجل, اول لما عدد المستخدمين اللي بيدخلوا موقعك و يطلعوا منه بسرعة بسبب سوء التصميم, جوجل بيبدء يحس ان موقعك فيه حاجة غلط, اما ان موقعك طالع في نتائج البحث من غير ما يكون مناسب, او ان موقعك في مشكلة بتخلي المستخدمين يخرجوا منه بسرعة, وفي الحالتين بيبدء ياخر موقعك في النتائج.

5- لو تصميم الموقع مش مجهز للعمل بشكل جيد علي الهواتف الذكية ده هيخلي اي موقع تاني بيعمل بشكل جيد علي الهواتف ليه الاولوية عن موقعك.


شركة Mega Business Solutions ل تصميم المواقع في مصر







أكثر...