يلعن أبو عشق(ن) يشل العقل شل

يـاتـل قلـبي تلـت الـجمـس لا تــل .
............... لا تلـه اللي تطـرده عشـرة جيـــوب .
عـدا الـحدود ولا أحـد(ن) يـمه أقبـل .
............... بالـحمـله اللي كـلـها صـفت حـبوب .
قـام يتلـفت مـادرى بالبـلأ حــــل .
............... وشـاف الـمـواتـر تـطلـق النـار من صـوب .
وتـلـه بنـمـره والتـوانـك على الفـل .
............... لـين أرتفـع مقـدم مقصـه عــن الـهـــوب .
على وليـف(ن) تلـني بالـهـوى تــل .
............... الـجـادل اللي تـــــوه يـفـز يــا دوب .
أبـو عيــون(ن) ســود والـرمـش الأكحـل .
............... وردوفـه اللي لامشـى تــرفــع الثـوب .
ادعـج غـنـج لـمن ضـحـك يبـري العــل .
............... واذوب أنا فـي ضـحكتـه يـاعـرب ذوب .
أنـا اشهـد اني مـن هـوى الزيـن مـخـتل .
............... وأنا اشـهد أني فـي هـوى الزين مغـصــوب .
مـاينشـرح بـالي مـع النـاس بـالكـل .
............... كني سجـين(ن) داخـل الـحـبس مقضـوب .
يلعـن أبو عشـق(ن) يشـل العقــل شـل .
............... بغـيت اتــوب وهـاجسي مابغـى يتـــوب .

أكثر...