السلام عليكم ورحمة الله وبركاته

كل عام وانتو بخير

مشكلة البلوتوث وارسال FM
انا كانت مشكلتي في البلوتوث وارسال اف ام

انا غيرت الغطاء الخارجي (كمان نسميه جرم ) للجوال كان لونو عودي وخليتو اسود وبعدين اكتشفت انو لا بلوتوث شغال ولا الارسال شغال البلوتوث حقي يشتغل بس مايلقط الاجهزة الثانية الا لازم اقرب الجوال من الجهاز الثاني واذا اكتشفه مايرسل الا شي بسيط وينقطع الارسال

قعدت افرفر في قوقل
مالقيت الحل:no:

الي يقول سوي سوفت وير والي يقول فرمت بالضغط على نجمة مربع 7370 مربع واتصال
وهاتك كل مين يتفلت ويرميلي حل من راسو
والمشكلة انو الي يجي يحط الحل يقول جرب تفرمته او جرب تسوي كذا يعني مافي حل اكيد

طبعن احمد ربي الف مره اني مارميت الغطا الاصلي
كنت بعيد باللوك الجديد
المهم جبت الثاني وقعدت اشوف ايش الفرق بينهم
وشويه اكتشفت حاجه غريبه
انو في الغطا الاصلي في شي زي المسمار لونو نحاسي
طبعا اكتشفت ان وظيفتو تقوي ارسال البلوتوث والاف الام يعني زي الانتل :d:
لما ركبت الجرم او الغطاء الاصلي اشتغل معايا زي الحلاوه :hh:

وبالمختصر المفيد
( المسامير النحاسية في الجوال وظيفتها تقوي ارسال البلوتوث وارسال اف ام ان وجد في الجوال) واعتذر عن الاطاله
تمت تجربتها على جوالي n85 وجوال n78
اخوكم \ محمد