منتديات المجاوشي - كـن الحمَـار اللـي يشـع بنحرهـا

بمناسبـة مـزح النسيـم بشعـرهـا - والشمس معزومه على حفلـة الغنـج
والعطر سـادر فـي بيـادر زهرهـا - من غرة محـرم الـى نهايـة الحـج
والقلب مرهي ميـر مـا كنـه أرهـا - مادلهـه لفـح الجديلـه ولا ســج
عصريـة ٍ خالـط نداهـا خـدرهـا - نسناسهـا غربـي ومزناتهـا بـلـج
لديت ابـروي ناظـري مـن نظرهـا - والشـوق يـدوي بالمعاليـق ويلـج
واشيب عينـي مـن تكسـر اعبرهـا - يـوم اتمقلهـا وانـا موقفـي حـرج
كـن الحمَـار اللـي يشـع بنحرهـا - حبات رمـان ٍ تساقـط علـى ثلـج
كم ونـة ٍ بالصـدر جابـت خبرهـا - وكم سهرت نجمه وكم ذوبـت مهـج
ماني لحالـي ذابـل ٍ مـن سفرهـا - ويصيح من فرقـا المظاليـل محتـج
حتـى المرايـا واحشتهـا صـورهـا - ترزم عليهـا مثـل ماتـرزم الخلـج
حوريـة ٍ قــل الـكـلام بثغـرهـا - يكفيك عشر سنين ماتسمـع الهـرج
ينبت بصدري مـن تهـذرف مطرهـا - روض ٍ ورا روض ٍ.. ومرج ٍ ورا مرج
جتنـي وانـا قبـل الوعـد منتظرهـا - شوقي لها صهوة وشوفي لها سـرج
استغفـر الله مـن خطايـا سهـرهـا - والعـذر لله ثـم لعيونـهـا الـدعـج

.. رااقت لي من القلب ..

الشاعر المبدع / مساعد الرشيدي

.

أكثر...