الجامعات الخاصة ، والفقـــــــر بالوراثة
 

السلام عليكم ورحمة الله وبركاته
بصراحة نفسى اتكلم فى موضوع مضايقنى جداً فى مصـر
ليه لو طالب ابوه غنى وطالب ابوه فقير والاتنين جابو نفس المجموع
ابن الغنى يدخل طب وهندسة
وابن الفقير يترمى فى معهد ولا كلية يطلع مايلاقيش فيها شغل ؟

اصلاً الطالب الغنى اصلاً معاه فلوس يدفعها على الكلية الخاصة .. وبالتالى بيدخل كلية عالية وبالتالى بيطلع يلاقى وظائف (بنسبة اكبر طبعا من الكليات التانية) وبالتالى يلاقى فلوس زيادة على فلوسه اصلا!

والطالب الفقير يدخل معهد ولا كلية تعبانة (مع انه حاصل على نفس درجات الطالب الغنى) ويطلع مايلاقيش شغل ويزداد فقر

يعنى من الأخر الغنى بيزداد غنى
والفقير بيزداد فقر


فين العدل بين الطلبة ؟



ليه الغنى يطلع دكتور ومهندس
والفقير مايطلعش حاجة
الظاهر ان الفقر والغنى اصبحواً مثل لون العين ..... بالوراثة







أكثر...