منتديات المجاوشي - خيبة أمل تدفن جروح عميقه

جف الغلا والحرف مابل ريقه
أبعد غلاك وزيد نار التجافي

انت وانا والليل والشوق ضيقه
وين الغرام ووين ذاك السنافي

بيني وبينك بان وجه الحقيقه
ارحل مع النسيان والوقت شافي

ابعد حلاة الروح تبقى طليقه
لا خافق ملتاع .. لا جرح خافي

مثلك حرام النفس ترجع تطيقه
يابايع غاليك.. غاليك وافي

انت العذاب وفيك نفسي غريقه
وانت السراب وضامي الشوق لافي

وانت السنين المقبله والعتيقه
وانت الأماني والجفا والتصافي

وانت الضما بين الغروب وعشيقه
وانت الشعور المرتوي بالقوافي

وانت انتظاري للعهود الوثيقه
وانت انحرافي عن طريق انحرافي

ياذا الوهم صرحك جذبني بريقه
واتعبني المسرى وشح التوافي

يادمعة بين المعاني دفيقه
لا تجرحين الصمت بعد انصرافي

رحلة عذابي عشتها بالدقيقه
أحزان في أحزان والنور طافي

هم وسواد وليل يخنق رفيقه
وحلم تبعثر في نهاية مطافي

آآه تذوب وآه تشعل حريقه
وآه تهز الليل والشوق دافي

خيبة أمل تدفن جروحٍ عميقه
ضايع صداها في غموض اعترافي

كيف الألم يهوى النفوس الرقيقه
كيف العتاب يشدنا للتنافي

كم هاجس فينا تعلا شهيقه
من عاشر النكران مابات غافي

فرحه تنام وتوها مستفيقه
وفرحه تنادي للزمان الخرافي.؟

وفرحه تموت من تذيقه
كان الرجا بالحظ والحظ حافي.؟!
راقت لي

أكثر...