|
(((( تصدق صرت عريان المشاعر فاقد التعليق ))))
أشوفك بين غيم(ن) مر ياسبحان من سواك تطالع فوق الأرض ومنك أنا ما طيق لا ماطيق سوالف نجم براق(ن) سمعها وقالها يمّداك تبل من الونس يابس صدور(ن) بالثياب تضيق شلعت الثوب من ضيقي وأنا اسمع حرفك ومعناك تصدق صرت عريان المشاعر فاقد التعليق أبي استر عيوبي منك قاصيها ألين أدناك وجدد فيك ذكرى للقصيد وأترك لك التنسيق خبير الا بياطير الفنون تخطها يمناك تصحي كل ما فيني حلا ويا هالحلا ما ذيق تعلمني وأنا التلميذ وأفهم بس أتحداك تصحح لي خطا قلته وعينك خانها التبليق أخيلك دفتري وأكتبك كلك وأمسحك وأقراك وابدل من سطورك لا سطوري واذكرك وافيق ذكرتك بس لا تنسى السوالف جيتني برضاك وأنا كلي رضا باللي تقوله ياالله التوفيق بدينا وإنتهينا وإبتدينا وإبتدا ممشاك وأنا قبل امس في استجواب والا اليوم لك تنطيق كفاني كل ما قلته وربي يحفظ ويرعاك وجيتك كاسب المعنى وأجنب سكة التوهيق رهـــ القصيد ــــج أكثر... |
| الساعة الآن 10:19 PM |
Powered by vBulletin® Copyright ©2000 - 2025, Jelsoft Enterprises Ltd.
منتديات بلاك بيري
mjawshy.net
المجاوشي للتقنية المتقدمة